MAROG թիմն աշխատարանների և ուսումնասիրությունների շարք իրականացրեց՝ հասկանալու բրենդի հիմնաքարային արժեքները, առաքելությունն ու տեսլականը։ Ուսումնասիրեցինք հայկական և միջազգային շուկան՝ հասկանալու հիմնային խնդիրները, և ինչ լուծումներ են հարկավոր։

Արդյունքում մշակեցինք բրենդի արժեքները՝  յուրահատկություն, պատասխանատվություն, ջերմ մթնոլորտ, շրջակա միջավայրը չվնասող։ Բրենդի հաղորդակցության և արժեքների հարթակը հիմք ծառայեցին հետագայում անվան ստեղծման և գաղափարի մշակման համար։

Բրենդի անունը ստեղծելիս մեր առաջ կարևորագույն խնդիր էինք դրել՝ մշակել անուն և բրենդային հարթակ, որը տեղական և միջազգային զբոսաշրջիկներին կխրախուսի Տավուշի մարզ այցելելիս ընտրել Զովակը`որպես հյուրատուն: Արդյունքում ընտրվեց ԶՈՎԱԿ անունը, որը նշանակում է զով, բայց միևնույն ժամանակ ջերմ վայր։

Դիզայն թիմն ընտրեց բրենդի հիմնական և երկրորդային գույները։ Բրենդի հիմնական գույներն են՝ մուգ գարնանային կանաչ, դեղձագույն, բաց վարդագույն, սոճու արմատի գույն։

Գարնանային մուգ կանաչն ընտրվել է շեշտելու տեղանքի զարմանահրաշ բնությունը։ Հայաստանը հայտնի է իր անուշահամ մրգերի մեծ ընտրությամբ։ Դեղձագույնն իր հերթին փոխանցում է հայկական մրգերի հյութեղ ու քաղցր գույնը: Իսկ վերջին երկու գույները փոխարինում են սևին և սպիտակին՝ բրենդի ինքնությանը հաղորդելով ներդաշնակություն։ Բրենդի երկրորդական գույներն են՝ փիրուզագույն, օքրա, կապույտ, բաց մոխրագույն, գազարագույն, շագանակագույն։

Մշակեցինք բրենդի վիզուալ ինքնությունը։ Մշակվեց նաև հաղորդակցման հնչողություն, որը հաճախորդներին կփոխանցի բրենդի արժեքային համակարգը։