Բացի այդ, արշավի հիմնական ուղերձները գովազդելու և Հայաստանում արտադրված ապրանքների մասին բոլոր կարևոր նորությունները պատմելու համար ստեղծեցինք բազմաֆունկցիոնալ, ինտերակտիվ և որոնողական համակարգերի համար օպտիմալացված լենդինգ էջ, որի հիմքում պարզ և մինիմալիստական UI/UX դիզայնն էր:

Ծրագրի համար իրականացված գովազդային արշավի նախամեկնարկային և մեկնարկային փուլերի ընթացքում օգտագործեցինք թվային մարքեթինգի տարբեր գործիքներ և հարթակներ՝ թիրախային լսարանին հասնելու և ծրագրի մասին պատմելու համար: Սոցիալական մեդիաների մարքեթինգի արդյունքում արշավը երեք ամիսների ընթացքում ներգրավեց մոտ 700,000 եզակի օգտագործողների Facebook-ում և ավելի քան 3,000,000՝ Instagram-ում: Բաներային և վիդեո գովազդի միջոցով արշավն ընդհանուր առմամբ հասավ մոտ 35,000 օգտատերերի։ 

Մեր թիմը նաև օգտագործեց թեմատիկ ֆեյսբուքյան խմբեր ու էջեր՝ հայկական արտադրության և դրա սպառման խնդիրների շուրջ հարցումներ իրականացնելու և լսարանի հետ բանավեճ սկսելու համար։ Բացի այդ, մենք կազմակերպեցինք առցանց վեբինարներ ոլորտի մասնագետների հետ՝ տրամադրելով գործնական ուղեցույցներ սկսնակ ձեռներեցների համար։

Բացի այդ, արշավի ռազմավարության մեջ ներառեցինք նաև համագործակցություն ու երկարաժամկետ աշխատանք մոտ 50 հայ կարծիքի առաջատարների և ինֆլյուենսերների հետ։ Համագործակցությունը ներառում էր հանդիպում-քննարկումներ հայկական արտադրության առաջխաղացման կարևորության մասին։ Հանդիպում-քննարկումներից մեկն էլ անակնկալ միջոցառում էր, որին ներկա տարբեր ոլորտների և բնագավառների ներկայացուցիչների համար պատրաստել էինք ինքնատիպ փաթեթավորման դիզայնով տուփ՝ լի հայկական արտադրության ապրանքներով, ուրախ սթիքերներով ու ընթերցողին ուղղված նամակով, որը պարզաբանում էր հայկական արտադրանքի առաջխաղացման և սպառման առաքելության տարածման կարևորությունը:  

Անակնկալ տուփը ինֆլյուենսերներին նվիրեցինք հենց միջոցառման ժամանակ՝ նպատակ ունենալով ֆիքսել նրանց ինքնաբուխ ու չպարտադրված արձագանքը տուփի պարունակությունը բացահայտելու պահին։ Արդյունքում ստեղծեցինք տեսահոլովակ, որն ամփոփում էր անակնկալ պահի ողջ տրամադրությունը՝ նպաստելով հայկական արտադրանքի հանդեպ հետաքրքվածության բարձրացմանն ու խթանելով ծրագրի նպատակների տարածումը։