ՊԱՍՏԱ ԵՎ ԳԻՆԻ ԲՐԵՆԴԻՆԳ

«Pasta and Wine» բրենդի անվանումը ծնվել է հետևյալ սկզբունքից՝ «ամեն հանճարեղը պարզության մեջ է», այսինքն՝ անվանումն իր մեջ պարունակում է այն երկու ուղղվածությունները, որոնց վրա հենց հիմնված է բրենդը: Բրենդի վիզուալ ինքնությունը իրականացվել է Line Art ոճով, օգտագործվել են այնպիսի էլեմենտներ, որոնք անմիջականորեն կապված են պաստայի և գինու հետ: Հիմնական մաս են կազմում կերպարները, որոնք մարմնավորում են իրական մարդկանց, ովքեր պաստայի և գինու իսկական սիրահարներ են: Կերպարների միջև ստեղծվել է երկխոսություն, ինչից տպավորություն է ստեղծվում, որ իրենք Pasta and Wine ռեստորանի բակում ապրող հարևաններ են: Կորպորատիվ ինքնության մեջ օգտագործվել են վառ երանգներ, որոնք մարդկանց մոտ դրական էմոցիաներ են առաջացնում ու բարձրացնում տրամադրությունը: