SILK NOTE ՓԱՌԱՏՈՆ 2019

ԹՎԱՅԻՆ ՄԱՐՔԵԹԻՆԳ

Silk Note փառատոնն առաջխաղացնելու համար մենք սահմանել էինք հետևյալ նպատակները` փառատոնի մասին  իրազեկել թիրախային լսարանին և նպաստել փառատոնի կայքի այցելությունների ու օնլայն վաճառքների դինամիկայի աճին: Որպես թիրախային լսարան ընտրվել էին հետևալ երկրները՝ Հայաստան, Վրաստան, Ռուսաստան և Ուկրաինա:

Մշակված թվային մարքեթինգի ռազմավարությունը բաղկացած էր չորս հիմնական կետերից՝ ճանաչելիության բարձրացում, թիրախային լսարանի ներգրավում, օնլայն տոմսերի վաճառք և կոնվերսիայի աճ:

ԿԱՅՔԻ ԲԱԶԱՅԻՆ SEO

Փառատոնի կայքը հիմնական հարթակն էր, որտեղից կատարվում էր օնլայն տոմսերի վաճառքը։ Ի սկզբանե մենք օպտիմալացրինք www.silknote.org կայքը` որոնողական համակարգերում կայքի տեսանելիությունը բարձրացնելու նպատակով։

ՍՈՑԻԱԼԱԿԱՆ ՄԵԴԻԱՆԵՐԻ ՄԱՐՔԵԹԻՆԳ

Նշված նպատակներին հասնելու համար մենք իրականացրինք սոցիալական մեդիաների մարքեթինգ Facebook, Instagram, Vkontakte և Twitter հարթակներում` ստեղծելով համապատասխան վիզուալ և վերբալ կոնտենտ ամեն հարթակի համար: 

Արշավի ընթացքում օգտագործեցինք նաև retargeting գործիքը` նպատակ ունենալով ներգրավել արդեն իսկ փառատոնի նկատմամբ հետաքրքրություն ցուցաբերած թիրախային լսարանին:

Տեղադրեցինք բաներային գովազդներ Google Ads և Yandex.Direct հարթակներում, իրականացրեցինք վիդեո գովազդների տեղադրում YouTube-ում:

Գովազդի տեղադրումներ ունեցանք նաև WiMedia wifi գովազդային հարթակում` թիրախավորելով այդ ընթացքում Հայաստան այցելած զբոսաշրջիկներին:

ԻՆՖԼՅՈՒԵՆՍԵՐ ՄԱՐՔԵԹԻՆԳ

Silk Note փառատոնի մասին մասնավորապես երիտասարդությանն իրազեկելու նպատակով ներգրավեցինք նաև Instagram ինֆլյուենսերների: Կապ հաստատեցինք երիտասարդության շրջանում ճանաչված երևանյան ինֆլյուենսերների հետ, ովքեր տարբեր ֆոտո/վիդեո/սթորիների միջոցով պատմեցին գալիք փառատոնի մասին, ինչպես նաև իրենց լսարանի շրջանում մրցույթներ իրականացնելով` խաղարկեցին փառատոնի համերգների տոմսեր: Արդյունքում զգալիորեն ավելացան Silk Note փառատոնի էջերի այցելությունները և հետևորդների քանակը:

ՎԼՈԳԻՆԳ

Ռուսաստանյան լսարանին աշնանային Երևանի կյանքը լավագույնս ներկայացնելու և գալիք փառատոնի մանրամասները ներկայացնելու համար՝ ընտրեցինք վլոգի ձևաչափը: Նկարահանեցինք ռուսալեզու տեսահոլովակ, որն ունեցավ 33.000-ից ավելի դիտելիություն սոցիալական ցանցերում` գրավելով թիրախային լսարանի ուշադրությունը փառատոնի նկատմամբ:

Հայաստանյան հանդիսատեսի համար ստեղծեցինք հայալեզու հոլովակ հայտնի վլոգեր Օվսաննա Սիմոնյանի հետ, ով ներկայացրեց փառատոնի հեդլայներներին ու ծանոթացրեց համերգների տոմսերը գնելու կարգին:

Երկամսյա թվային արշավի արդյունքում ընդհանուր առմամբ փառատոնի մասին տեղեկացավ 2 միլիոն մարդ, Silknote կայքի այցելությունները հասան ավելի քան 67.000-ի և վաճառվեց 8000-ից ավել տոմս: Վաճառված տոմսերի մոտ 20%-ն օտարերկրացիներն էին ձեռք բերել: