dahook-ի ինքնությունը ստեղծելիս թիմը միավորել է դահուկներով սահելու ընթացքում թռիչքի զգացողությունը և դահուկ արևադարձային թռչնի թռիչքը, ինչի արդյունքում ստացվել է բրենդի հիշվող անունն ու ինքնատիպ տարբերանշանը: 

Բրենդի ստեղծման ընթացքում MAROG-ն իր առաջ խնդիր էր դրել ստեղծել մի բրենդ, որը կտպավորվի առաջին իսկ հայացքից։ Արդյունքում հետաքրքիր համադրում է ստացվել, որը միավորել է արևադարձային dahook թռչնին սկանդինավյան վիզուալ տարրերի հետ ու այս ամենը բերել Ծաղկաձոր։

Նկարազարդերում, ռեստորանի շենքի ներքին և արտաքին հարդարանքում օգտագործված սկանդինավյան ոճի միջոցով ապահովել ենք բրենդի թարմությունն ու ընդգրկուն զանազանությունը։

Մշակվել է գարեջրի շշերի դիզայնը․ չորս տեսակի գարեջրերից յուրաքանչյուրն իրեն հատուկ գունային լուծում է ստացել, իսկ դիմապիտակի ներքևի սուր հատվածում օգտագործել ենք թռչնի պոչի սրությունը։

Վիզուալ ինքնության մեջ կապույտ գույնը խորհրդանշում է թռչնի թռիչքը, երկինքն ու ջուրը (dahook թռչունը ապրում է հիմնականում ջրային տարածքներում)։ Օգտագործված սևը, սպիտակն ու կարմիրը խորհրդանշում են թռչնի գույները, ինչպես նաև հավասարակշռում են բրենդի գունային լուծումները։ Իսկ բեժ գույնը փոխանցում է գարեջրի գույնն ու ցորենի հասկի երանգները։ Նման գունապնակը բրենդի վիզուալ ինքնությունը դարձնում է խաղարկային, արտահայտիչ և հիշվող։